طفل يتيم موهوب بيتحدي كل الصعوبات وبيحقق حلمه في انه ينضم للمنتخب ويبقي اسطورة كرة قدم

Video Description

( اللهم صلي على سيدنا النبى ) 💚 ( لا حول ولا قوة الا بالله )💚 ( لا اله الا انت سبحانك انى كنت من الظالمين )💚 بتدور احداث فيلمنا في دار للايتام، مديرها كان شخصية صعبة جدا ومتسلط ومش بيعجبه العجب، ومكنش بيحب انه يريّح اللى حواليه بل بالعكس كان بيحبط الاطفال طول الوقت وبيحاول يتحكم فيهم ويمنعهم من الحاجات اللى بيحبوها. وفي اليوم ده بتيجي عيلة غنية جدا عشان يتبنو طفل، وقبل ما المدير بيخليهم يشوفو الاطفال عشان يختارو منهم، بيتفق معاهم الاول علي شيك التبرع اللي هيدفعوه للدار، وهل يا تري هيدفعو كاش ولا هيكتبو شيك. وساعتها كان (مايك) عامل صيانة بيشتغل في الدار طول الوقت بيلعب مع الاطفال كورة وبيدربهم كمان وكان اكتر واحد في الدار كلها بيعامل الاطفال بحب وبيلعب معاهم، وعشان كده كانو كلهم بيحبوه وبيحترموه. وبعد ما بياخدو منه الكورة بيروحو يلعبو تاني، والمدير والعيلة الغنية كانو واقفين في الشباك يشوفو (كارليتوس) من بعيد لانه هو اللى عليه العين وقررو يتبنوه بعد اقتراح المدير له. ولما بيخرجو بره عشان يشوفوه من قريب، (كان (كارليتوس) بيلعب بالكورة وشاطها علي شجرة فارتدت ناحية المدير ولبست في وش الست وقعتها علي الارض وتقريبا كده شافت النجوم في عز الظهر من شدة الخبطة اللي اخدتها في راسها. وساعتها المدير بيتعصب جدا وبيزعق لـ(كارليتوس). وبعدها المدير بياخده علي مكتبه وبيزعقله ويلومه انه هو السبب في هروب كل العائلات اللى بتيجي تتبني اطفال وانه بالشكل ده بيؤذي زمايله وبيضيّع فرصهم في انهم يخرجو من الدار ويعيشو حياة عادية، وكعقاب له بياخد منه الكورة ويقفل عليها مع العشرين كورة اللى اخدهم منه قبل كده، وبردو مبيتعلمش. وبنشوف المدير بعد كده رايح لـ(مايك) اوضته وبيزعقله عشان بيشجع الولاد علي لعب الكورة، وبيقوله انه لازم عشان يفضل قاعد هنا ينفذ كلامه وميدربش الاطفال علي كرة القدم تاني، وبنعرف ان (مايك) كان لاعب كورة قديم قديم وعنده جوايزكتير محتفظ بيها في الاوضة، بس منعرفش ايه اللي وصاه للمرحلة دي. وبعد ما المدير بيمشي بيشوف رسالة كانت جاياله ولما بيفتحها بيتغير لما بيقرأها وزي ما يكون فيها حاجة مهمة. ملخص فيلم = Carlitos: Footballeur Star ولد قالو عليه فاشل لقي حذاء قديم اول ما لبسه جاتله مهاره عجيبه بتبهر الكل وبيبقي كريستيانو رونالدو كوكلي المقنع فيلم في الخمسينه ملخص فيلم ملخصات افلام محمد طاهر ملخص فنون قتال فنون قتاليه كونغ فو بطل خارق ساعة سحريه فيلم في المريخ شبح فيلم اشباح