實試 一部機處理 豉油 茄汁 零食碎〡Philips AquaTrio 3合1雙滾刷吸塵洗地機 湯麵都吸得〡用清水去除 99.9%細菌〡雙滾刷每分鐘合共9,000轉 潔力超強 洗地免用力

Video Description

打掃屋企從來都係辛苦事，好似地板咁，要徹底清潔，吸完塵再拖地都係基本，做一次都攰死。而今日同大家開箱實測嘅，就係號稱「潔地除菌大師」嘅Philips AquaTrio 3合1雙滾刷吸塵洗地機！ 今次影片我哋會用盡全力實測呢部機嘅潔力，除咗睇吓佢處唔處理到牛奶 、豉油、茄汁、沙律醬、乾麵碎、零食碎等等之外，更加會挑戰有「渣」嘅湯麵。平時要處理呢D都相當麻煩，要抹、要拖、拖完仲要洗番個地拖同地拖桶，做過都知煩。 試用 Philips AquaTrio 3合1雙滾刷吸塵洗地機就超方便，入水一拖就攪掂，所有污物一下就吸晒入機，就連滾刷都可以自動清洗。而同坊間一般唔同嘅地方就係，兩個滾筒刷係分別向後同向前滾動，據官方講佢呢個突破性反向旋轉雙滾刷吸扒可以同一時間模擬，平時我地向後同向前拖地嘅動作，而靠住呢兩個同時向內轉嘅滾刷，就可以更加快同有效咁將污糟嘅野吸入並帶到污水箱。 更加重要嘅係呢個專利高轉速離心力滾刷，可以做到每分鐘轉動4500次，兩個滾刷夾埋每分鐘9000轉，比起坊間一般洗地機轉速更快，清潔力自然更一般牌子更勁。同時亦因為夠高速，污垢可以從滾刷靠離心力帶走同時被水吸走，即係話佢一邊清走地板上嘅污垢，同一時間亦可以不停自我清潔，呢個就係佢唔會將污垢由滾筒帶番落地板，亦即係造成所謂嘅二次污染 嘅原因。 至於用完一輪之後，GadgetGang清潔專員 阿聰 又會點評價呢部 Philips AquaTrio 3合1雙滾刷吸塵洗地機 呢？ 佢又有冇D咩優點缺點呢？一齊睇片就知喇~~ #家電實測 #家電 #洗地 #拖地 #PhilipsHK #3合1雙滾刷吸塵洗地機 #潔地除菌大師 #吸塵洗地除菌1Take過 #吸塵機 #吸塵