李兆基設靈丨大批官商名流紛送別四叔 特設帳篷悼念區供公眾致祭

Video Description

李兆基設靈丨大批官商名流紛送別四叔 特設帳篷悼念區供公眾致祭 人稱「四叔」嘅恒基集團創辦人李兆基，3月17日於家人陪伴下安詳離世，積閏享壽100歲。四叔嘅家人4月27日喺香港殯儀館設靈，周日上午舉行團體公祭，大殮將以佛教儀式進行，靈柩將另擇吉日奉移家鄉順德大良安葬。 四叔嘅家人一早抵達靈堂打點，期間長子李家傑同細仔李家誠與太太徐子淇，先後到門外向採訪嘅傳媒致意。一眾官商名流，亦陸續到達靈堂向四叔作最後敬意，包括 行政長官李家超同一眾主要官員鄧炳強、羅淑佩、麥美娟、前特首曾蔭權、澳門前特首何厚鏵等。 另外唐英年與太太、高永文、田北俊、周梁淑怡亦先後致祭。而商界方面，李澤楷、郭炳江、霍震寰、李國寶、李國章、許晉亨與太太李嘉欣、霍啟剛與太太郭晶晶、鄭志剛與妻子、曾志偉、蕭世和、梁安琪、蔡志明、郭少明、盛智文、楊受成、趙式芝、羅寶文等都到靈堂弔唁。 已退休嘅四叔前員工，指四叔對伙計相當客氣，生前亦做好多公益事務。而另一前員工親屬就讚四叔係一位好好嘅長者，對員工亦相當好，係一個好和藹嘅人，所以呢日自己亦專登到場懷念對方。 而喺殯儀館對面嘅球場，設置咗大型帳篷悼念區，當中設有一個長12米、高5米嘅大型祭壇，以白色鮮花為主調、典雅莊重。現場亦備有花池供致祭人士留言，留言咭將稍後放置在李兆基紀念展覽內的花池。同場亦備有弔唁留言冊，播放紀念李博士生平的影片、展示各界人士的弔唁函件，並提供紀念小冊子供到場人士取閱。 #李兆基 #四叔 #設靈 #恒基集團 #創辦人 #離世 #香港殯儀館 #順德 #大良 #安葬 #行政長官 #李家超 #鄧炳強 #羅淑佩 #麥美娟 #前特首 #曾蔭權 #澳門前特首 #何厚鏵 #李家傑 #李家誠 #徐子淇 #李澤楷 #許晉亨 #李嘉欣 #霍啟剛 #郭晶晶 #楊受成 #趙式芝 #羅寶文 #梁安琪 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁 https://www.facebook.com/TVBENews 登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0