煮題Cook ｜EP 60｜經典醬汁系列最終章 瑞士汁燻鯧魚 肉類最佳拍檔——蒜香汁｜Ricky 張錦祥｜Jacky 余健志｜HOY

Video Description

嚟到最後一集經典醬汁系列，壓軸出場嘅有由香港發明嘅瑞士汁，睇咗咁多集《 煮題Cook 》，大家都知道唔會煮瑞士雞翼咁簡單嘅菜式教大家嘅，今次Jacky 就用上肉質夠實嘅鯧魚，將瑞士汁滷入魚肉，煮出外酥內嫩嘅創新瑞士汁燻魚。 平時去港式扒房，大家食開蒜蓉汁/黑椒汁？Ricky就為大家送上特製蒜汁羊架，特別香濃嘅蒜茸汁簡直係肉類最佳拍檔！ 張錦祥 蒜汁烤羊架 蒜汁材料 油：50毫升 蒜蓉：100克 洋蔥粒：200克 黑椒碎：5克 茄膏：30克 雞湯：400毫升 老抽：10毫升 麵粉：10克 油：10毫升 烤羊架材料 羊架：500克 芥末醬：50克 檸檬葉：2克 麵包糠：50克 橄欖油：15毫升 做法 1. 炒鍋放入50克油，煮熱後加入一半的蒜茸，炒至金黃色 2. 之後加入餘下的蒜蓉和洋蔥粒，用中火再炒3分鐘 3. 加入黑椒碎略炒 4. 加入茄膏，炒30秒 5. 加入雞湯和老抽，大火煮滾 6. 麵粉內加入油，調勻後拌入蒜汁內，煮滾後放旁待用 7. 用大火將羊架的表面煎香 8. 將羊架放入密實袋，放入60°C的熱水，浸煮45分鐘 9. 檸檬葉切碎後拌入芥末醬，拌勻後均勻地塗在羊架上 10. 麵包糠加入橄欖油，拌勻後灑在羊架上 11. 放入焗爐焗至金黃色即成 余健志 瑞士汁燻魚 瑞士汁材料 蒜肉：30克（拍鬆） 乾蔥：30克（拍鬆） 薑片：30克 蔥段：30克 水：500毫升 香料 八角：1粒 香葉：2片 調味料 生抽：150毫升 蒸魚豉油：50毫升 雞飯黑豉油：100毫升 冰糖：320克 紹興酒：50毫升 燻魚材料 鯧魚 ：1條（約1斤） 醃料 薑：10克 蔥段：10克 紹興酒：10毫升 胡椒粉：少許 鹽：3克 瑞士汁做法 1. 鍋中加入少許油，放入蒜肉、乾蔥、薑片及蔥段炒香，然後加入香料、調味料及水，大火煮滾，滾約10分鐘，至傑身，用匙羹提起成一條線，然後待涼，備用。 燻魚做法 1. 鯧魚洗淨，瀝乾水份，切成約2cm厚度，備用。 2. 醃料倒入盤中，用手揸爛薑蔥，然後加入鯧魚拌勻，醃製約半小時。 3. 鍋中加入油燒熱，放入鯧魚，炸香，撈起，然後將油溫升高，將鯧魚回鍋返炸至金黃香脆，撈起瀝乾油份，最後放入涼卻的瑞士汁中拌勻，令魚吸收瑞士汁後，即可上碟成為瑞士汁燻魚。 貼士 1. 在這款經典的港式瑞士汁內，我特別加入了東南亞風味的雞飯黑豉油，令傳統嘅瑞士汁更濃厚香醇。 《 煮題Cook 》HOYTV足本重溫傳送門：https://hoy.tv/title/27875 《 煮題Cook 》YOUTUBE精華重溫：https://www.youtube.com/playlist?list=PLUyFQGDoSB-hDu_Qv-18ynoPJHuUPCSMw 煮題Cook ｜ Theme Cook 4月13日起 逢星期一至五晚上8:30 ｜ HOY 77 #煮題Cook #張錦祥 #余建志 #煮食節目 #HOY ------------------------------------------------- Like & Follow 👍👍👍 HOY Facebook ► https://www.facebook.com/hkhoy HOY Instagram ► https://www.instagram.com/hk.hoy/