Ep1121.為何壞人多勝利？《獨裁者手冊》丨The Dictator’s Handbook丨作者 Bruce Bueno de Mesquita 、Alastair Smith丨廣東話丨陳老C

About

致每一位朋友仔： ●第一守則：「追尋真理」不斷追尋真理，唔好停留喺任何嘅框架之內。保持真實，接納真實嘅自己，唔好戴住面具做人，更加唔好成為偽君子。 ●第二守則：「信你自己」唔好迷信，亦唔好過於相信我嘅說話，我只係同你一樣嘅一個普通人，無論將來我有任何嘅成就，呢一點都唔會變。我只係你生命裡嘅一個過客，我好開心能夠喺呢度遇到你並且為你帶嚟一啲思考，但人生始終係要靠你自己，所以請你永遠相信你自己，我希望你能夠成為你自己嘅精神支柱，而唔係依賴宗教、職業、伴侶、父母、子女甚至係我。 ●第三守則：「黃金法則」只要你相信，哪怕係世上最難嘅事情你都可以完成，只要你相信，你必定可以成為你想成為嘅人。同一道理，只要你唔相信，所有命運嘅詛咒都會統統失效。呢句話極有可能係雞精，但我仲係願意相信佢係真嘅。 ●第四守則：「自然即神」我相信愛因斯坦所講嘅「斯賓諾莎」的上帝，神就喺你嘅心中，祂冇好惡，亦唔會審判，哪怕今日你選擇做一個「壞人」，神亦唔會因此而懲罰你，當然，我更願見到你善待一切生靈。我十分中意佛陀同耶穌，但我哋仲係需要保持少少合理嘅質疑，因為智性比虔誠更為重要。我希望大家都能夠「因理性而行善，而不是因恐懼而不作惡」。 ●第五守則：「回不了家」我無法帶你去極樂世界、娑婆世界、天堂、第五維度，宇宙聯邦，亦無辦法同你一齊手拖住手回家，如果你冇得返天堂都唔介意嘅話，我好歡迎你。心靈成長係好東西，但我希望大家唔好「靈性逃避」，要接受現實，直面恐懼。多啲對呢個世界微笑，但唔好因為學咗身心靈就每天強作微笑，好好同自己對話，接納自己，認清生活的真相之後依然熱愛生活嘅人先係真正嘅英雄。 ●第六守則：「有病去睇」有病唔該你去睇醫生。我堅信人體絕對有治愈一切疾病嘅能力，但我亦堅信，你仲未到達咁嘅水平。同時我希望大家去接受一個簡單嘅道理，就係「人終有一死」，要接受呢個事實。 ●第七守則：「感知使命」開悟之後重新著上你嘅外衣，用新嘅方式同世界相處。臣服生命之流度過平靜嘅生活，但若遇到時代嘅高峰，咁就好好把握機會成就自己。唔可以次次都俾心術不正嘅人贏曬同霸占住整個世界，唔可以任由世界每次都令真正善良嘅人失望同流淚，正義需要靠我哋雙手去實現，而唔係等上天開眼同憐憫，願我哋都能成為一隻強大嘅惡魔，有足夠嘅力量去守護每一個人間天使嘅微笑。願正義之心永存於心。 我係陳老C，隨心而行，歡迎你加入也鼓勵你離開，夠鐘就退訂啦。