နဂါးကြီးလှန်လိုက်လို့ မြေငလျင်လှုပ်သတဲ့လား (ရုပ်/သံ)

Video Description

ဧရာဝတီ၊ ဧပြီ ၂၆၊ ၂၀၂၅ ငလျင်လှုပ်တာဟာ နဂါးကြီး လှန်လိုက်လို့လှုပ်တာဆိုတဲ့ မိုင်းဖုန်းဆရာတော်အရှင်ဉာဏသံဝရ ရဲ့ ဟောကြားချက်ဟာ ဗုဒ္ဓဓမ္မတရားတော်နဲ့ရော သိပ္ပံနည်းနဲ့ပါလွဲချော်နေပြီး ပြည်သူတွေကို အသိအမြင်လွဲမှားမှု ဖြစ်စေနိုင်တယ်လို့သံဃာတော်တွေက မိန့်ကြားပါတယ်။ ရန်ကုန်မြို၊ မှော်ဘီမြိုနယ်က သာသနာလင်္ကာရ မိုင်းဖုန်း ကျောင်းတိုက်မှာ ဧပြီလ ၂၃ ရက်နေ့က တရားပွဲကျင်းပခဲ့ပြီး အဲဒီတရားပွဲမှာ မိုင်းဖုန်းဆရာတော် ကဘာသာပြန်ဆရာတော်ကတဆင့် ဟောကြားခဲ့တာဖြစ်ပါတယ်။ မိုင်းဖုန်းဆရာတော်ရဲ့ တရားပွဲမှာ နာယူသူတွေများသလို၊ လူမှုကွန်ရက်မှာလည်းယုံယုံကြည်ကြည်နဲ့ မျှဝေနေတာတွေ များပြားတာကြောင့် ငလျင်အန္တရာယ်ကြိုတင်ကာကွယ်ရေးတွေအတွက်ပါ ထိခိုက်မှုရှိမှာ စိုးရိမ်နေကြပါတယ်။ မြန်မာအပါအဝင် ကမ္ဘာ့ ငလျင်ပညာရှင်တွေကတော့ ကမ္ဘာကြီးဟာတဆက်တစပ်တည်း မဟုတ်တဲ့ မြေလွှာချပ်ကြီးတွေ၊ ကျောက်လွှာချပ်ကြီးတွေနဲ့ဖွဲ့စည်းထားပြီး အဲဒီမြေလွှာ၊ ကျောက်လွှာချပ်ထုကြီးတွေ ရွေ့လျားတဲ့အခါမှာမြေလွှာ၊ ကျောက်လွှာချပ်ကြီးတွေ အချင်းချင်းတိုက်မိကြပြီး ငလျင်လှုပ်ခတ်မှုဖြစ်သလို ကမ္ဘာမြေတွင်းမှာရှိတဲ့ ပြတ်ရွေ့ကြောတွေ ရုတ်တရက်ရွေ့လျားမှုကြောင့်လည်း ငလျင်လှုတ်ခတ်မှု ဖြစ်ပေါ်လေ့ရှိတယ်လို့ပြောထားပါတယ်။ #မြန်မာ #ဧရာဝတီ #ငလျင် #နဂါးကြီး #မိုင်းဖုန်းဆရာတော် #အရှင်ဉာဏသံဝရ #WhathappensInMyanmar #MyanmarEarthquake --------------------- စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။ Support The Irrawaddy: https://bit.ly/3btQYpR