簡直無法無天！南博捐贈古畫離奇失蹤，轉頭現身拍賣叫價8800萬！6800元賤賣「偽作」？神秘顧客成謎，時間線大亂燉，呢單嘢水到底有多深！|南京|博物院|文物|國寶|粵語|coco主播

Video Description

系唔系癲嘎！私人捐贈給博物館嘅文物，竟然喺拍賣會上以8800萬嘅價格拍賣，南京博物院今次真系攤上大事！仲越扒越多料，後來仲牽扯到一個藝蘭齋，各方官方說法嘅時間線根本對唔上，除非歷史上真系存在過兩幅《江南春圖卷》。而家呢件事，精彩到真系可以拿去拍電影！ 呢件事到底點發生？要講到1959年嘞。1959年，龐增和同家人向南京博物院無償捐贈咗龐萊臣「虛齋」舊藏古畫137件。呢個龐萊臣，系龐增和嘅爺爺，清末舉人，老豆家底豐厚，自己又鍾意收藏，於是集齊咗一批珍品，起名為「虛齋」，後來傳給咗後人，呢就系「龐家虛齋舊藏」嘅由來。捐咗呢137件嘢之後，南京博物院向龐增和先生出具咗《捐贈文物資料收據》，以及捐贈「虛齋舊藏古畫137件」清冊等捐贈證明。到咗1962年，江蘇省政府向龐增和頒發咗獎狀，仲附上咗呢137件文物嘅捐贈收據同清單，後人一直保留住，媒體報道入面都睇得到。 接下來時間線來到2014年末，南京博物院搞咗個展覽，叫做「天下龐萊臣——虛齋名畫特展」。展覽入面有一篇文章寫住：「龐萊臣都冇諗到，佢嘅子孫會敗落到賣畫為生。」龐家人睇到之後，就致信南京博物院，要求就呢句話澄清同道歉，但系冇得到回應。後來龐家人又起訴南博同文章作者侵犯名譽權，最後勝訴咗。而喺訴訟過程中，卻意外牽扯出呢件事——南博同策展人為咗證明「龐家賣畫」，拿出咗「明代仇英《江南春圖卷》被南京藝蘭齋收藏」嘅證據。呢個時候龐家人就疑惑嘞：明明系我哋捐贈畀南博嘅古畫真品，點解對方會指控我哋將畫賣咗？ 到咗2016年，龐家人開始持續向南博寫信，核心訴求就系想睇下1959年捐贈嘅137件藏品嘅現狀，尤其系明代仇英《江南春圖卷》嘅情況，但系龐家人話一直冇收到回復。 然後就到咗2025年5月，龐增和嘅女兒龐叔令得知，北京某拍賣公司嘅春拍圖錄上，出現咗明代仇英《江南春圖卷》，起拍價8800萬！龐叔令同媒體形容，當時嘅感覺就系「想找個地縫鑽進去」——尋尋覓覓嘅畫，竟然自己喺拍賣場上出現咗。2025年6月底，龐叔令按照調解書約定去到南京博物院庫房查驗，清單上嘅137件藏品，最終只見到132件，有5件「失蹤」，其中就包括呢次引爆話題嘅《江南春圖卷》。 後來南京博物院喺12月17號發咗情況說明，話1959年1月確實收到咗137幅龐家捐贈嘅畫作；提及嘅5幅爭議畫作，1961年經專家組鑑定為「偽作」，1964年再經另一組專家組鑑定，依然認定為「假」。所以喺上世紀90年代，佢哋根據《博物館藏品管理辦法》對呢5幅畫進行處置：1997年，南博向原江蘇省文化廳提交《關於處理不夠館藏標準文物的報告》，請求將呢批文物調劑、價撥畀省文物總店處理，原江蘇省文化廳之後同意咗。1997年5月8號，被認定為贗品嘅《江南春圖卷》撥交給原江蘇省文物總店，2001年4月16號被一位「顧客」以6800元嘅價格買走，銷售清單上寫住「仿仇英山水卷」。 呢度就出現咗一個好明顯嘅時間線矛盾！如果南博嘅說法成立，無論當年那幅《江南春圖卷》系真系假，起碼喺2001年4月16號之前仲喺佢哋手上。但系之前提到嘅藝蘭齋，其創始人陸挺公開宣稱，佢哋喺90年代就從龐家後人手上買到咗《江南春圖卷》。如果呢個時間屬實，就只有兩種可能：第一，世界上真系有兩幅《江南春圖卷》，一真一假——如果捐贈畀南博嘅系假，咁可能有一幅真嘅仲喺龐家後人手上，後來被佢哋賣出；而且龐家後人並唔止龐叔令呢一支，據網絡消息，當年龐萊臣將字畫等財產分成四份，一份畀養子，兩份畀兩個孫子（其中一個就系龐增和），還有一部分畀後娶嘅夫人，呢個就令事件變得更加複雜。第二，如果唔系有兩幅畫，咁佢哋兩個人當中肯定有一個喺撒謊，一個人手上有真嘅《江南春圖卷》，另一個就系無中生有。 呢件事嘅關鍵，要麼就找到當年花6800元買咗「假畫」嘅神秘顧客，要麼就問清楚拍賣公司嘅畫系從邊度嚟——網上好多人估，呢幅畫可能就系從藝蘭齋流出嘅。而且呢幅畫現世仲有個關鍵時間點：今年5月，藝蘭齋創始人、堅稱從龐氏後人手中購得《江南春圖卷》嘅陸挺去世咗，當月末呢幅畫就出現在拍賣會上。後來今年5月嘅拍賣會，因為呢個糾紛，呢幅畫被撤拍咗。 仲有關於「畫作被鑑定為假」嘅細節，龐叔令女士接受媒體採訪時話，2025年11月20號佢狀告南博嘅案件開庭，南博向法庭提交咗兩份鑑定材料：一份系1961年《鑑定書畫意見記錄》抄本，一份系1964年7月《鑑定書畫庫存意見記錄》。其中一份鑑定書上嘅王敦化、徐沄秋，其實都系南博嘅工作人員，徐沄秋負責嘅系徵集工作，根本唔系書畫鑑定專家。佢仲回憶，當時南博提交嘅記錄複印件大部分打咗馬賽克，只零星露出「仇英江南春圖 假」嘅字樣，專家具體從哪些方面、依據什麼標準判定為偽作，記錄入面完全冇體現，南博喺庭上亦都冇進一步說明。 關於呢一點，新華社嘅文章提到一個細節：南博向記者出示咗專家鑑定記錄及相關流程證據，尤其系1961年11月，原文化部組織以張珩（張蔥玉）為主嘅全國書畫鑑定專家組到南博鑑定，張珩、韓慎先、謝稚柳三位專家認為：「《江南春圖卷》，偽，一般，陳鎏題引首真，後面題跋完全不對，偽做得很好，原龐家是當真的藏的」。 其實呢度就有個好大嘅疑點：一幅被專家話「偽做得很好」、足以令龐家當真品收藏嘅畫，2025年起拍價8800萬，就算當年系仿作，2001年竟然只賣6800元？要知道張珩系中國古書畫鑑定大家，1961年主持全國書畫鑑定工作，鑑定過近十萬件書畫，權威性毋庸置疑。但系關於南博對呢幅「假畫」嘅處理方式，龐叔令質疑：就算學術上有爭議、認定系偽作，咁重大嘅事點解唔通知捐贈人？共同鑑定、確認嘅程序喺邊度？ 呢件事鬧大之後，馬一東先生都發聲咗，佢講到當年6800元賣畫畀「顧客」呢件事，話仇英嘅作品就算系偽作，都唔止呢個價。2001年已經系拍賣行業風起雲湧嘅時候，尤其系那張發票嘅購買欄只寫咗「顧客」兩個字——佢話自己喺文物商店買過好多文物，文物商店早喺上世紀90年代，所有人買嘢都必須填寫真名，除非呢個人姓顧名次，否則明明系有名有姓嘅人，卻寫「顧客」，呢件事從一開始就有嫌疑。 我睇到最新嘅消息，系江蘇省文旅廳已經成立咗專班調查呢件事，而家就只可以等結果嘞！後續究竟系點，我地將持續關注！