السبب السري لالم وتنميل الرجلين | تقوية أعصاب الرجل

Video Description

السبب السري لتنميل وألم الرجلين | تقوية أعصاب الرجل بنعرف في حلقة السلام عليكم أحساس التنميل والوجع الي بيجي في الرجل من اكثر الحاجات المخيفة والمزعجة في نفس الوقت النهاردة هقول واحد من الأسباب الي بيسبب التنميل والشكشة في الرجل والالم في منطقة اسفل الظهر و ناس كثير بتشخصها انها بسبب الغضروف وهنقول 4تمارين هيقللوا باذن الله من احسا التنميل والوجع بشكل ملحوظ معاكم الدكتور كريم رضوان دكتور علاج طبيعي وخلينا نبدأ الحلقة قبل ما نبدأ لو انتا من الناس الي بتحب النوع ده من المحتوى الطبي التوعوي وحابب تشوف فيدوهات اكثر ياريت تدعم الفيديو بلايك وتشاركه علشان يوصل لاكبر عدد ممكن # السؤال الاول الي لازم نوضحه هل الرنين هو المقياس الوحيد لمعرفة سبب التنميل ؟ واحدة من اكثر الحاجات الي دكاترة وناس كثير بتقع فيها لتشخيص التنميل والشكشكة والوجع في الرجل هو وجود غضروف في الاشعة المقطعية ودائما هو الشماعة الي بيترمي عليها اي مشكلة خصوصا في الأعصاب والحقيقي ان في دراسة مجمعة على أكثر من 3110 شخص متطوع مش بيشتكوا من اي الم لقوا ان 37% من الشباب الي عمرهم فوق العشرين عندهم تغيرات في شكل الغضروف و96 % من الناس الي فوق 80 سنة بيعانوا من نفس التغيرات . و30% من الناس الي اعمرهم فوق 20 عندهم الغضروف طالع من مكانه و84% من الناس الي أعمارهم فوق ال80 سنة . وبرجع افكركم ان الناس دي بالنسب دي هما مش بيشتكوا من اي الم اصلا ليه بنوضح النقطة دي .. لان لازم الناس تفهم ان اساس التشخيص بيكون مبني على شكوى وحالة العيان نفسه اكثر من الرنين بتاعه اه الرنين مهم وممكن يتاخد على اساسه قرارات هامة جدا ولكن مش هو القرار النهائي . لان بشوف ناس كثير بتبقى شكوتهم بسيطة جدا بس بيبقوا مرعوبين من وجود غضروف في الاشعة بتاعتهم . و من اشهر الحاجات الي ممكن تسبب تنميل في الرجل او اعراض شبيهة بأعراض الغضروف وهي التهاب العضلة الكمثرية او الي اسمه Piriforms syndrome # عبارة عن ايه العضلة الكمثرية ؟ دي عضلة عميقة موجودة في منتصف الالية .. وبيطلع من نصها او فوقها العصب الوركي او الي اسمه السياتيك نيرف وده الي بيغذي الرجل كلها من ورا .. لما العضلة دي بيحصل فيها التهاب او شد عضلي بتبدأ تسبب التهاب في العصب الوركي ويبدأ يديك احساس بالتنميل والوجع في منطقة الالية او المقعدة ومنطقة الفخذ من ورا وممكن الوجع والتنميل يوصل لمنطقة السمانة او القدم من تحت # طيب ازاي اعرف ان العضلة دي هي السبب ؟ الحقيقي علشان تعرف لازم يتعملك فحص سريري وبعض الاساليب زي حقن العضلة ببنج ونشوف هل الاعراض اختفت ولا لا ولكن فيه بعض المؤشرات الي بتقول انها هي السبب زي - وجود الم في منتصف الالية او المؤخرة مكان ما بنحط المحفظة بالظبط - وجود الم اثناء طلوع السلم او منحدر - الالم بيزيد مع الجلوس لفترات طويلة - المدى الحركي لمفصل الفخذ بيكون اقل من الطبيعي # ايه سبب التهاب العضلة دي بالشكل ده ؟ الحقيقي مفيش سبب ثابت وواضح لالتهاب العضلة ولكن كلها اسباب محتملة زي - التهاب مفصل الساكرواليك وهو مفصل موجود في منطقة الحوض - وجود رجل أطول من رجل ثانية - عدم الثبات في مفصل الفخذ - العادات الخاطئة زي وضع المحفظة في الجيب الخلفي - الجلوس بشكل خاطئ زي انك تحط رجل على رجل لفترات طويلة # طيب السؤال الاهم ازاي اقدر اعالج العضلة دي ؟ علاج العضلة بيكون منقسم - لشق دوائي ودي بتكون ادوية مضادة للالتهاب ومسكن للالم عند اللزوم - و شق العلاج الطبيعي الي بيكون فيه اجهزة بتقلل الالتهاب بشكل موضوعي وتقلل الالم - وممكن عمل مساج بالثلج على منطقة الالم بانك تجيب كوباية بلاستك او كارتون وتحطها في الفيرزر وتبدا تمسكها وتعمل زي ضغط كدة ومسح على المنطقة لمدة 3 دقائق وترجع تكررها مرتين او ثلاثة - الجزأ الثالث والاهم وهو التمارين عنوان عيادة الدكتور كريم رضوان https://g.page/feal3dm أرقام حجز المواعيد والأستشارات : +201551075758 +20842055255 للتواصل على الواتس اب مع عيادة الدكتور كريم رضوان https://wa.me/201019044229 لحجز استشارة ووضع برنامج غذائي مع الدكتور كريم رضوان https://feal3dm.com/consultations/ للتواصل على الأنستجرام https://www.instagram.com/drkarimradwan للتواصل على الفيس بوك https://www.facebook.com/drkarimradwan