{كشف حمادة}(74) طبال لكل العصور

Video Description

مع اي حدث أو موقف بيظهر فيه مصطفى بكري عشان يدلي بجردله في موضوع.. واللي كان آخره هيجانه الأخلاقي على فيلم أصحاب ولا أعز ، اللي بيبهوأ المجتمع ويلخلخ قيم الأسرة المصرية، مع أنه قبلها بكام يوم كان بيدافع عن سمعة واخلاق محمد الامين ،اللي متهم بالتحرش وهتك عرض بنات أيتام.. دايما بيستحضر كده العقل الجمعي شخصية محجوب عبد الدايم. اللي قدمها الفنان حمدي احمد في فيلم القاهرة 30 ..لكن الحقيقة إن نجيب محفوظ نفسه اللي كتب القصة ،وصنع بايده شخصية محجوب عبد الدايم، لو كان عايش في زماننا وتابع مشوار حياة مصطفى بكري الصحفي والسياسي .. كان راح بنفسه لمصطفى بكري وخده بالحضن ، وقال له حقك عليا انا يا ابني ..محجوب عبد الدايم ايه اللي يشبهوك بيه ده ؟.. ده راجل غلبان كان كل طموحه عيشة مرتاحة، وتمامه يطبل لمديره أو يباصي المدام لوزيره مرتين في الأسبوع..ييجي ايه محجوب عبد الدايم في مستوى انتهازيتك ووصوليتك ..ومستوى المرونة والليونة وانت بتتمرجح بطبلتك برشاقة العصفورة ،وخفة الفراشة، ولسعة النموسة على كل نظام شوية ..على بطنك تطبل ، على ضهرك تطبل..في برلمان ،ستوديو ، وانت في الحمام بتستحمى بتطبل ..وهنا بقى يظهر سؤال حير علماء الطبلة لسنوات.. ازاي وليه في وسط كل مدارس التطبيل المصري المعاصر ، ورواد التطبيل الكلاسيكي،اللي منهم كتير سقط في فخ التطبيل الغلط ،فلبس البيجاما وقتي وخد الصابونة بدري ..يبقى اسم مصطفى بكري هو رمز وايقونة للتطبيل اللامركزي ، اللي قدر يطبل لكل الأنظمة ،او لأي كلب بلدي قاعد على كرسي سلطة أو منصب كبير ..من غير ما يضايق حد ، أو يتورط وهو بيطبل لبلطجي أو فاسد حالي ، في أنه يزعل منه فاسد سابق ..ازاي طبلة مصطفى بكري قدرت تصمد في كل العصور دي من غير ما تتلف أو تتخرم ...تعالوا نشوف …. للدعم على Patreon : https://www.patreon.com/ahmedbehiry اشترك في القناة الرسمية على تليجرام: https://t.me/ABehiry الصفحة الرسمية لاحمد بحيري علي الفيسبوك https://www.facebook.com/GhasilMokh الصفحة الرسمية علي تويتر https://twitter.com/ahmedbehiry اشترك في القناة لمتابعة الحلقات الجديدة http://goo.gl/2KheJZ المصادر : _ علاء مبارك يتهم مصطفى بكري بتزوير التاريخ بشأن قرار " سعودية تيران وصنافير" https://bbc.in/3sZaR0D _ " رجل معروف بالإيمان والتقوى" .. مصطفى بكري يدلي بشهادته عن محمد الأمين https://bit.ly/3v4WY3L _ بعض من سيرة مصطفى بكري: "الذكوري" الخائف على قيم المجتمع المصري https://bit.ly/353n1O1 _ بالفيديوهات.. " مصطفى بكري" عابد السلطة المتغيير على كل شكل ولون https://bit.ly/3p9pi13 _ مصطفى بكرى ل "لميس الحديدي" فيلم أصحاب ولا أعز ليس إبداعا ويحوى 20 لفظا سوقيا https://bit.ly/3LLlWei _ مصطفى بكرى يتحول إلى "صرصور الصرف الصحي" https://bit.ly/3ptOxvp