移民失敗係咪一定要返香港? 大公文匯李家超都唔會同你講嘅故事…

Video Description

#住加男人 #CanMen 喺呢波移民潮走嘅香港人，唔少人即使身處異鄉，都會留意香港新聞，但睇《大公》、《文匯》周不時話有人移民使晒啲錢要返香港，特首李家超之前自稱去跑步，咁啱又咁橋會撞到一對聲稱從加拿大返港嘅夫婦，話覺得香港好過加拿大喎……想講嘅係，移唔移民，回唔回流，都係個人選擇；至於移民失敗係咪一定要返香港呢？等移加6年嘅肥Sam，同大家分享吓。 首先，咩叫移民成功？英國有BNO 5+1、加拿大有香港人救生艇，肥Sam認為，一日未係公民都未算成功。其次，適唔適應當地生活？呢樣嘢好生活化，例如習唔習慣當地天氣、融唔融入到，小朋友方面又點呢？ 肥Sam認識有朋友，先用BNO 5+1移英，發覺唔適應後去咗多倫多；亦有人喺救生艇出現前移居溫哥華，但最終都唔成功，依家去咗英國……個重點係，即使佢哋唔成功，都冇諗過返香港。 咁肥Sam自己又點呢？佢話睇住紅簿仔由金色變青色，6年結算，「算失敗嘅」；仲作出預告，話自己喺溫哥華「都唔會留得耐」……吓？！ 戴番個頭盔，呢條片絕對唔係放負，當然希望大家都移民成功！ ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝ 住加男人YouTube及Patreon會員專享獨家直播及Discord對話區 Patreon會員：https://www.patreon.com/canmen YouTube會員：https://bit.ly/2PwNskm PayPal單次支持住加男人：https://www.paypal.me/canmen E-transfer單次支持住加男人：[email protected] ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝ 「住加財經」加港財經資訊頻道 https://youtube.com/@CanFinCA 「住加男人」Facebook專頁 https://www.facebook.com/CanMenca/ 「住加男女」Facebook群組分享加港資訊及新聞 https://www.facebook.com/groups/859426267552840/