廣州變鬼城！大量商鋪倒閉空置，冷清蕭條，繁華不再。廣州房東崩潰：包水電寬帶都冇人租！人流消失比沒錢更恐怖！實體經濟一片慘澹，店鋪租不出去，一鋪養三代神話破滅！#房地產 #實體店 #廣州經濟 #城中村

Video Description

廣州變鬼城？房東喊到崩潰：租金斬半都沒人住！人沒咗，比沒錢更可怕！ 過年翻廣州嘅城中村行一轉，嗰種感覺真係凍過水！成條村靜到聽到自己心跳聲，以前嗰啲喧譁熱鬧，好似俾人一鍵刪除咁，徹底消失咗！ 你話係空城？直頭係死城啊！白雲、海珠、番禺，你行入去望下，成排成排嘅握手樓，密密麻麻貼滿曬招租紅紙，風吹雨打到啲紙都白咗、爛咗，都冇個人來問一句！塘下村北區？三個月空出73套房！誇張到呢！連嗰啲住咗十幾廿年嘅老租客，話走就走，一個都唔留，好似廣州突然變成瘟疫之地，個個爭住逃離！ 再睇下啲商圈？北京路、三元里、十三行？以前行都行唔入，而家？轉讓嘅告示貼到鋪天蓋地，好似殯儀館發嘅訃告！核心CBD甲級寫字樓？空置率飆升到21.2%！你話死未？商鋪租金跌足4.61%，跌到血肉模糊都係租唔出！連樓下嗰啲做咗十幾年的街坊小吃店，都係三頭兩日就換招牌，最後嗰個招牌，永遠都係「旺鋪轉讓」四個大字，貼到你心寒！ 有人話廣州俾人按咗暫停掣，我話直頭係俾人摑醒！以前嗰種車水馬龍、人聲鼎沸嘅繁榮，一夜之間，好似發完場夢咁，散曬！城中村空、商鋪空、廠房空，成個廣州好似被抽真空咁，靜到離奇！但呢種靜，殺人於無形，殺傷力勁過原子彈！人人都問，千年商都，點解淪落到咁？係咪真係踏入大蕭條，等收檔？ 一講到城中村租唔出，實有人話係租金貴、環境差、後生仔唔捱得。呵，講呢啲廢話！村民自己最心知肚明，今次完全唔同！以前你話減租一百幾十，班租客爭住撲上來，驚死執輸。而家？就算你租金斬佢三成，甚至話包水電包寬帶，請佢來住，都冇人敲你門啊！點解？因為養住佢哋嘅嗰份工，冇咗！ 你明唔明？過去幾十年，廣州城中村嘅租房邏輯，從來都唔係貪你間屋平咁膚淺！係「職住一體」啊，大佬！行兩步就到工廠，放工返屋企五分鐘！白雲嘅製衣廠、海珠嘅五金鋪、番禺嘅電子零件倉，就係收埋喺呢啲城中村入邊嘅千千萬萬間中小微企，先係養起幾十萬租客嘅嗰碗飯！以前嘅城中村，夜晚廠房機器聲嘈到拆天，巷口嗰啲宵夜大排檔，油煙大到嗆鼻，坐滿曬光住上身嘅工人，啤酒樽撞到嘭嘭聲，士多小賣部忙到踢曬腳。人哋係為咗開工搵食先逼喺度咋，唔係貪你間屋可以遮風擋雨啊！ 但呢幾年呢，你睇下最先消失嘅係咩？係租客？錯！係一間間俾人圍起拆咗嘅廠房！嗰啲以前燈火通明、日夜趕工嘅工業區，轉眼間變成曬爛地圍擋，一圍就成年半載，鬼影都冇只！冇人知幾時起，更冇人知起到做咩。廠房一拆，骨牌效應就殺到！做咗十幾二十年嘅製衣工、五金佬、裝配仔，飯碗都打爛咗，唔通坐喺度等死？佢哋唔係話搬去第二條村咁簡單，而係直接同廣州講拜拜！跟住啲廠搬去佛山、中山，或者執包袱返老家，少數咬咬牙去長三角博一博。人都走曬，你啲屋留來拜山啊？呢個就係最赤裸裸嘅現實，殘酷過食生肉！ 講嚟講去，咪就係「城市更新」呢四個大字！村民唔係傻嘅，個個都知城中村環境係要改，舊廠房又冇消防又排污，遲早要拆，個個都恨改造後條村靚仔啲，住得舒服啲。但個問題就衰喺，好多地方嘅更新係「先拆後建」，清咗你先算，產業趕走先，發展？慢慢等啦！將嗰啲中小微企一鑊熟咁清走，但新嘅產業同飯碗呢？影都冇啊！中間呢段產業真空期，就係要村民同小商戶用身家性命來埋單！你睇下啲村民個樣？嗰種矛盾係寫喺塊面度！一邊恨改造，一邊又驚到震！今年條村分紅可能仲叫捱得住，但個個心知肚明，村集體最穩陣嘅現金流，從來唔係靠咩項目投資，係靠廠房、商鋪、村屋收租養起成村人！一間屋空一年，你仲頂得順，一排鋪空半年，村委仲補得起，但如果係成片成片嘅村屋空足兩三年，廠房長期丟空，商鋪永遠租唔出，你話以後啲分紅仲係度？等食屎啦！好多村民口口聲聲話今朝有酒今朝醉，出年嘅事出年講，但嗰種眼神，空洞到呢，焦慮到根本收唔住！ 城中村一空，啲鋪頭同商圈仲會有運行？發夢就快！廣州而家啲鋪難租到離譜！唔單止城中村嘅社區鋪，連市中心嗰啲老牌商圈都劫數難逃啊！越秀區，空置率13.7%！你知唔知13.7%係咩概念？三元里皮具城、十三行服裝批發市場，有啲樓層空置率直頭過4成！以前係一鋪養三代，一鋪難求！而家？轉讓費係咁減，減到冇，甚至話送你，都冇人敢接！就算係天河路呢條華南第一商圈，你行入啲次級街道睇下？啲鋪頭三個月一換，三個月一換，開一間，死一間！有人話商鋪難做係因為電商、疫情，呵，廢話！個核心係乜？係人流啊！廣州嘅人流，一大半以前都係靠嗰班製造業工人、普通打工仔撐起㗎！以前，城中村啲工人放工會去巷口買生果食宵夜，放假會踩電動車去三元里執啲貨做下生意仔，去北京路買件衫。而家？廠房拆曬，工人走曬，呢班最基礎最穩定嘅消費大軍，直接人間蒸發！三元里嗰個皮具老細講得好，以前日日都有周邊工廠嘅人來攞貨做零售，一日營業額過萬濕濕碎。而家？加工廠搬走曬，攞貨嘅客少咗八成，一日做唔到三千蚊，連租都交唔起，最後咪等執笠！社區鋪仲慘，城中村啲客走咗，士多、小食店、髮廊冇曬客，一間跟一間執，變成惡性循環！鋪頭越關越多，條街越冷清，就算仲有零星租客想租，都嫌住喺度唔方便，寧願去第二度，搞到城中村越空！互相拖累，齊齊攬住死！ 除咗商圈同社區鋪，廣州嘅寫字樓都係哀鴻遍野！甲級寫字樓均價又跌2.1%，核心CBD空置率過2成，就算租得出，都係啲互聯網、科創公司租幾百平方米仔，而且大多短約，市場信心跌到負值！睇住官方數據，話廣州經濟體量過3.1萬億，先進製造業點勁點勁，工業投資連續6年過千億。係，我唔話佢錯，經濟基本盤係未冧，但系所謂嘅大蕭條，根本唔係話經濟衰退，而係產業轉型搞出嘅一場結構性大出血！係從低成本製造、大量吸納勞動力，向高端製造、創新驅動轉型，必經之痛。只不過呢鑊嘢嚟得太快太急，好似做完手術唔記得縫針，搞到新舊動能銜接唔上，爆曬鑊！舊嘅製造業極速退出，近千間城中村加工廠被清場，紡織、建材等行業超過3萬人飯碗打爛，大量低技能嘅打工仔瞬間失業。而新嘅新興產業，係，係增長得好勁，但佢哋要嘅係高技能人才、研發人員！你叫班做開製衣、五金嘅工人，點樣去搞集成電路、無人機？根本就係兩回事！呢啲新產業根本食唔起咁多低技能工人，搞到就業市場出現離譜到極嘅結構性失衡：一邊係新興產業請唔到人，一邊係傳統工人失業潮，50萬失業人口入面，大半都係因為技能唔匹配，想轉行都冇路！仲要雪上加霜嘅係，呢鑊嘢仲燒到其他行業，互聯網、設計、外貿，一係裁員，一係俾AI取代。35歲以上搵工？平均搵成6到8個月，幾百份簡歷丟落海，影都冇！連以前嗰啲鐵飯碗，國企設計院、房企，都係咁裁人，房地產基建訂單暴跌，好多老員工話咁快就變咗多餘人。打工仔連份工都冇，收入都冇，仲點敢消費？少去行街，少去食飯，少買嘢，商鋪啲客流咪進一步下滑囉！最後就形成咗一個點都解唔開嘅死結：產業外遷，工人失業，人口流走，消費萎縮，商鋪空置，再回頭搞死城中村！而城中村就係俾人第一個推出去祭旗嘅！ 當然，我睇到有人開始諗辦法，有啲村試緊將空廠房改成電商直播基地、創業孵化器，想引入新嘅輕資產，盤活啲地方，創造新工。又或者將啲村屋改造成靚啲嘅公寓，搞埋共享辦公、接駁車，想吸引後生創業者來。希望有朝一日，可以俾城中村重新有返啲人氣。而商鋪要翻生，都要靠人口同產業返來。只有城中村有返新嘅工種，有返穩定嘅租客，巷口嗰間小食店、士多，先會再旺返，老商圈先有可能搵到新嘅消費群體。但呢一日？等幾耐？天知道！而家嘅廣州，就係喺呢種刺骨嘅寒冬度，硬撐！